O Torneo de Fútbol Burbulla de Baamonde bate récord de inscricións
![futbol burbulla portada](https://terrachaxa.com/wp-content/uploads/2021/07/futbol-burbulla-portada.jpg)
O Cercud na praia fluvial de Baamonde recupera o Torneo 3×3 Fútbol Burbulla, que terá lugar o 31 de xullo e faino cun récord de participación, xa que haberá 20 equipos o máximo que se permite. É unha cifra récord para esta competición, que nas anteriores edicións celebrouse cunha participación máxima de 8 equipos.
Trátase dunha actividade que conxuga o deporte coa oferta lúdica e consiste en xogar metido dentro dunha burbulla xigante, que lles ocupa aos xogadores todo o tronco. Pódense dar golpes e revolcóns sen ningún tipo de perigo e lesións.
Cada equipo estará formado por tres xogadores admitíndose equipos masculinos, femininos e mixtos coa única limitación de ter máis de 16 anos.
Os 3 primeiros clasificados levarán trofeos e vales agasallo dunha tenda deportiva e o resto medallas. Ademais haberá unha comida de confraternización entre os equipos.
As inscricións xa están pechadas ao ter chegado ao máximo permitido no torneo. Toda a información pódese atopar na web futbolburbulla.com.
Tanto o torneo como a comida contarán coas medidas sanitarias regulamentarias contra o covid, co uso obrigado de máscara en todo o recinto e división en grupos de 6 persoas.
![torneo futbol burbulla baamonde](https://terrachaxa.com/wp-content/uploads/thumbs/2021/07/torneo-futbol-burbulla-baamonde-200x283.jpg)