O xurado escolle os gañadores do concurso de decoración de Nadal de Outeiro de Rei
O Concello de Outeiro de Rei anunciou os gañadores do III Concurso de Decoración de Nadal de Fachadas e Xardíns, correspondente ao ano 2024.
Tralas deliberacións realizadas polo xurado e seguindo as bases establecidas, resultaron premiados en primeiro lugar Manuel Cobas Gómez e Nuria Rodríguez Sear, que recibirán un premio de 100 euros cada un. Abel Vélez Lozano e Alba Rodríguez Zapata serán galardoados con 75 euros; e Florentina Romay Illán e Jéssica Silva Rodríguez recibirán 50 euros cada unha.
O Concello anunciou tamén que proximamente informará sobre a data e a hora para a entrega oficial dos premios. Esta iniciativa, consolidada xa na súa terceira edición, busca recoñecer o esforzo e a creatividade dos veciños na decoración das súas vivendas durante o Nadal, contribuíndo a encher as rúas de espírito festivo.