Obradoiro de educación emocional e relaxación en Muimenta

As inscricións poden realizarse ata o 21 de marzo na Mercería Teresa

A Asociación Aquilino Iglesia Alvariño de Muimenta organiza un Obradoiro de Educación Emocional e Técnicas de Relaxación, que terá lugar o venres 28 de marzo no centro médico de Muimenta, en horario de 17:30 a 20:30 horas.

A actividade, de carácter gratuíto, está aberta a todas as persoas interesadas en coñecer a importancia da educación emocional e os beneficios da aplicación de técnicas de relaxación para a xestión da ansiedade. As inscricións poden realizarse ata o 21 de marzo na Mercería Teresa.

O obradoiro será impartido por Jenifer Souto Pérez, enfermeira educadora e psicóloga, quen guiará aos participantes na aprendizaxe de estratexias para mellorar o benestar emocional e a saúde mental.