Organizan a segunda edición da rapa das bestas en Vilapedre
![rapa-das-bestas-vilalba-enxebreza-portada](https://terrachaxa.com/wp-content/uploads/2023/07/rapa-das-bestas-vilalba-enxebreza-portada.jpg)
A parroquia vilalbesa de Vilapedre acollerá o día 15 de xullo a II Rapa das Bestas, que se organizará na finca Enxebreza.
A xornada contará cun amplo programa de actividades que darán comezo ás 9.30 horas coa baixada das bestas ata os curros.
Ás 11.00 horas terá lugar o prato forte da xornada, a rapa das bestas.
Descansarase cunha sesión vermú amenizada polo grupo La Rosa antes da celebración da comida campestre, na que poderá degustarse xamón cocido, polbo á feira, churrasco con criollos, patacas, pan, bebida e sobremesa ademais de café e chupito. A comida, servida por Catering O'Paso ten un prezo de 30 euros.
Os tickets da comida están xa á venda ata o 13 de xullo. Poden mercarse en Pizzca, en Vilalba; Restaurante O'Paso, Candamil; Hostal O Cristo, en Goiriz, e Parrillada A Revolta, en Vilalba.
Ao rematar a comida, verbena e sorteos.
![rapa-das-bestas-vilalba-enxebreza](https://terrachaxa.com/wp-content/uploads/thumbs/2023/07/rapa-das-bestas-vilalba-enxebreza-200x250.jpg)