Organizan en Muras un novo curso de equitación

A asociación Amigos dos Cabalos Atila de Muras ten previsto celebrar un curso de iniciación á equitación na Hípica Prado Ventura.

A asociación Amigos dos Cabalos Atila de Muras ten previsto celebrar un curso de iniciación á equitación nas instalacións de Hípica Prado Ventura, situada na localidade pontesa de Aparral.

A actividade, que conta coa colaboración do Concello de Muras, estará dirixida a maiores de oito anos.

Os interesados en participar nestas clases poden anotarse, antes de mañá, domingo 25, no teléfono 667 609 990.

Unha vez que se saiba o número de inscritos, procederase a dar máis información sobre os grupos, o custo ou o horario das clases.