Organizan en Pol unha recollida solidaria de artículos en bo estado

Trátase de dar unha segunda vida a aqueles que xa non se usen, como xoguetes, libros, tronas, carriños ou cadeiras, mantas, calzado e outros

O Nadal é tempo de compartir e de ser solidarios, e o Concello de Pol quere que este espírito chegue a todas as familias. Para iso, organiza unha campaña de recollida solidaria destinada a dar unha segunda vida a artigos en bo estado que xa non se usen, como xoguetes, libros, tronas, carriños ou cadeiras, mantas, calzado e outros obxectos.

A iniciativa busca beneficiar ás familias que máis o precisan, garantindo que o Nadal sexa especial para todos. Para máis información ou para realizar doazóns, pódese contactar co Concello no teléfono 982 34 50 29.