Organizan en Vilapedre o primeiro Concurso de Tortilla de Patacas
Este venres, 29 de novembro, a Casa da Escola de Vilapedre acollerá o I Concurso de Tortilla de Patacas, unha cita gastronómica organizada pola Asociación de Veciños de Vilapedre que promete diversión e sabor para todos os asistentes.
As persoas interesadas en participar deben inscribir a súa tortilla enviando unha mensaxe de WhatsApp ao 682 270 203 antes do 25 de novembro.
O programa dará comezo ás 20:30 horas coa recepción das tortillas participantes. De 21:00 e 23:00 horas farase a degustación gratuíta das tortillas para todo o público asistente, que poderá probar e votar polas súas favoritas.
Rematarán coa entrega de premios ás mellores tortillas.
Ademais, todas aquelas persoas que leven unha tortilla recibirán un agasallo especial. E para non perder a tradición, o evento tamén contará cunha partida de tute para completar a xornada festiva.