Organizan en Xermade unha excursión a Ourense para mulleres no 8M
TerraChaXa
O Concello de Xermade organiza unha excursión de mulleres, que terá lugar o 12 de marzo, con motivo da celebración do Día da Muller.
![excursion mulleres xermade](https://terrachaxa.com/wp-content/uploads/2022/03/excursion-mulleres-xermade.jpg)
7 Mar 2022
O Concello de Xermade organiza unha excursión de mulleres, que terá lugar o 12 de marzo, con motivo da celebración do Día da Muller.
Esta excursión realizarase a Ourense e comezará ás 9.00 horas coa saída en autobús da praza do Concello. Ás 11.30 horas está prevista a visita guiada á cidade de Ourense co título Historia das mulleres en Ourense: A conciencia da igualdade, organizada polo Arquivo Histórico Provincial.
Ás 14.00 horas será a comida seguida dun paseo polo Carballiño, para, ás 17.00 horas facer o circuíto termal e merenda no balneario de Caldas de Partovia.
A xornada rematará ás 19.30 horas co regreso a Xermade.
O prazo de inscrición estará aberto ata o día 9 de marzo chamando ao teléfono 678 744 178.