Organizan un curso de prevención de riscos no sector forestal en Guitiriz
TerraChaXa
O Issga organiza un curso de prevención de riscos laborais, que se impartirá en Guitiriz do 13 ao 15 de setembro en horario de tarde.
20 Ago 2021
O Instituto de Seguridade e Saúde Laboral de Galicia (Issga) organiza un curso de prevención de riscos laborais, que se impartirá en Guitiriz do 13 ao 15 de setembro en horario de tarde, de 16.00 a 21.00 horas.
Esta acción formativa estará centrada no manexo de motoserras e rozadoras e ten só oito prazas. Conta cunha parte teórica e outra práctica ao longo de 15 horas de traballo.
As persoas interesadas en participar teñen de prazo para apuntarse ata o día 9 de setembro por correo electrónico no issga.formacion@xunta.gal. Para máis información pódese chamar ao 981 551 704.