Os Bolechas chegan este venres a Guitiriz

A actuación terá lugar na Escola Habanera, ás 18:00 horas

Este venres, 22 de novembro, Guitiriz será escenario dun evento moi especial coa chegada de Os Bolechas, que presentarán o seu espectáculo infantil Os Bolechas tocan nunha grande orquestra.

A actuación terá lugar na Escola Habanera, ás 18:00 horas, e promete ser unha tarde inesquecible para nenos e maiores, chea de música, diversión e aprendizaxe.

Este evento está enmarcado no programa de dinamización lingüística FalaRedes, unha iniciativa da Xunta de Galicia para promover o uso do galego a través de actividades culturais dirixidas ás familias e á infancia.

Os Bolechas, coñecidos polos seus contos e espectáculos, animan a todos os asistentes a descubrir o mundo das orquestras e a gozar dunha experiencia interactiva e educativa.