Os Bolechas visitan o Belén de Begonte este domingo cunha actividade lúdica e didáctica

A representación terá lugar ás 17:00 horas no Centro Cultural José Domínguez Guizán, situado na primeira planta

Este domingo 14 de decembro, o Belén de Begonte acollerá a chegada dos Bolechas cunha proposta cultural destinada ao público infantil. A actividade, titulada Os Bolechas presentan a muller orquestra, forma parte do programa Falaredes 2025, promovido pola Secretaría Xeral da Lingua da Xunta de Galicia. A representación terá lugar ás 17:00 horas no Centro Cultural José Domínguez Guizán, situado na primeira planta do Belén de Begonte.

A iniciativa consistirá nun espectáculo de monicreques pensado para a participación de nenas e nenos de entre 4 e 9 anos, así como das súas familias. A proposta combina entretemento e aprendizaxe, coa finalidade de fomentar o uso da lingua galega a través dun formato teatral atractivo para o público máis novo.