Balance da situación da covid-19 nas distintas comarcas da provincia de Lugo. Casos activos, contaxios e defuncións concello a concello.
A covid achégase aos 200 casos tras sumar 4 casos máis mentres continúan activos os gromos en Sarria e Lugo malia que descende o número de contaxios novos.
Así, a provincia de Lugo amanece este martes de novo con 193 casos activos.
Diagnosticaron nas últimas 24 horas 10 casos novos (onte foron 13 e o día anterior 16), e as altas chegaron ás 12.810, reaxustando a cifra errónea que ofreceu no día de onte.
Dende que comezou a pandemia, no mes de marzo do pasado ano, hai 13.224 casos rexistrados e 216 persoas falecidas.
A presión hospitalaria queda en 4 persoas ingresadas. No Hula hai 2 na UCI e 1 en planta, e 1 en Monforte.
A provincia ten ao concello de Castroverde en alerta media e ao de Sarria en alerta alta.
POR COMARCAS
A situación en Sarria empeora e a incidencia elévase noutros concellos pequenos como O Vicedo, Quiroga e Taboada. No resto, a situación mellora.
A Mariña
- O Vicedo mantén unha incidencia alta malia estar por debaixo dos dez casos.
- Con algún caso activo e baixa incidencia están Foz, Burela, Viveiro e Ribadeo.
- Trabada fai unha semana que non ten contaxios novos. Únense Cervo e A Pontenova.
- Sen casos novos máis de 15 días están Ourol, Riotorto, Barreiros, Lourenzá, Mondoñedo, O Valadouro, Alfoz e Xove.
Terra Chá
- Cospeito, Friol, A Pastoriza, Castro de Rei e Outeiro de Rei teñen casos pero con baixa incidencia. Únese Vilalba.
- Guitiriz, Pol e Meira levan unha semana sen casos novos.
- Sen positivos dende hai máis de quince días están: Muras, Rábade, Xermade, Abadín e As Pontes. Únese Begonte.
Centro da provincia
- Os casos en Lugo baixan a 65 (4 máis).
- Castroverde segue con 12 positivos pero segue con incidencia baixa na última semana.
- Palas ten positivos pero con baixa incidencia.
- Monterroso leva unha semana sen casos. Únense Portomarín, Guntín e O Corgo.
- Limpos de covid nos últimos quince días están: Negueira de Muñiz, Baleira, Antas de Ulla, Pedrafita, As Nogais, Baralla, Ribeira de Piquín, Becerreá, Cervantes, A Fonsagrada e Navia de Suarna.
Comarca de Sarria
- O gromo en Sarria segue subindo. Xa son 33 positivos (2 máis), co concello en alerta alta.
- Láncara leva unha semana sen contaxios.
- Samos, O Páramo, O Incio, Triacastela e Paradela seguen limpos de covid dende fai máis de dúas semanas.
Ribeira Sacra
- Quiroga e Taboada teñen elevada a incidencia pero no chegan a 10 casos.
- Monforte ten casos pero con baixa incidencia.
- Chantada cuantifica dez contaxios.
- Folgoso do Courel leva xa unha semana sen positivos.
- Sen casos en máis de quince días: Ribas de Sil, Bóveda, O Saviñao, Carballedo, Sober, Pantón e A Pobra de Brollón.
