Os nenos de Barreiros desfrutarán do Samaín
TerraChaXa | LugoXa | AMariñaXa
30 Out 2019
A concellaría de dinamización e participación veciñal do Concello de Barreiros en colaboración coa biblioteca municipal invitan a pasar unha xornada divertida en torno ao Samaín que se celebrará nas escolas ao lado do Concello, o xoves 31 de outubro, de 10 a 13.30 horas.
A festa vai dirixida aos nenos e nenas de Educación Infantil, e os de Primaria nados entre os anos 2008 e 2016.
Os interesados en acudir deben avisar nas oficinas xerais do Concello ou na biblioteca.
Os nenos desfrutarán dun obradoiro de cabazas, manualidades, lectura de contos do Samaín, decoración do consistorio e dunha degustación de comida terrorífica por cortesía da asociación de hostalería barreirense.