Os pequenos vilalbeses, segundos na xornada Norte de loita
![loitapequenos](https://terrachaxa.com/wp-content/uploads/2018/03/loitapequenos.jpg)
O equipo do Club de Loita Vilalba composto polas escolas deportivas de Vilalba e Xermade vén de acadar segundo posto da Xornada Norte de Deporte Escolar de Loitas Olímpicas correspondente ao programa XOGADE da Secretaría Xeral para o Deporte, que se celebrou na Casa do Deporte de Lugo.
O Vilalba foi o mellor equipo clasificado da provincia con 82 puntos mentras que a escola de Lugo acadou o sexto posto con 34. O primeiro clasificado foi o Keltoi de Vila de Cruces con 110 puntos e, xunto co Vilalba e o Ayude de Melide (terceiro), clasificáronse para a final A da Liga de Deporte Escolar, que terá lugar o próximo 19 de maio en Vila de Cruces (Pontevedra). Na final A participarán as 6 escolas galegas que máis puntos acadasen nas fases territoriais podendo clasificarse así para o Campionato de España de Escolas Deportivas.
O equipo vilalbés acudiu cunha pequena representación das súas escolas composto por 14 deportistas e estivo dirixido por Jose Luís Puentes como técnico das categorías base e o apoio de Ramón Monasterio. Os deportistas participantes foron:
-
- Lois Currás Penas.
- Xoel Codesal Díaz.
- Lucas Fernández Prado.
- Noa Hormeño Carballeira (Xermade).
- Mateo Cupeiro López.
- Alonso Maceira Vilasuso.
- Héctor Somoza García.
- Andrés Maceira Vilasuso.
- Uxía Gómez Ares (Xermade).
- Kevin Cuba Goás.
- Ainara Canceiro Cabaleiro (Xermade).
- Laura Paz Feal (Xermade).
- Nicolás González Díaz.
- Xiao Seoane Vázquez.