Os Reis Magos de Begonte visitaron os domicilios das persoas maiores

Melchor, Gaspar e Baltasar tamén fixeron unha parada no Centro de día

As Súas Maxestades, os Reis Magos de Oriente, achegáronse por sorpresa aos domicilios das persoas maiores usuarias do Servizo de axuda no fogar do Concello de Begonte para entregarlles un pequeno agasallo e compartir con eles momentos de ilusión e alegría.

Melchor, Gaspar e Baltasar tamén fixeron unha parada no Centro de día de Begonte, onde tiveron un emotivo encontro coas persoas usuarias.

Con esta iniciativa, o Concello de Begonte leva o espírito do Nadal aos fogares dos seus maiores, permitíndolles revivir a maxia do día de Reis.