Os Vilares celebra as súas festas de Pascua
A localidade dos Vilares, en Guitiriz, festexa durante a Semana Santa, as festas de Pascua e da Virxe dos Desamparados.
O programa abrirase o vernes 7 cunha festa infantil gratuíta a cargo de Brincadeiras. Ao remate haberá petiscos e, a partir das 21.00 horas, terá lugar a presentación do grupo folk Os Trapeiros dos Vilares, seguido da actuación do DJ Blas.
O sábado haberá sesión vermú co dúo Venus e a verbena contará coa orquestra New York e Los Coleguitas, e o domingo haberá misa solemneás 10, 11, 12 e 13 horas seguido de procesión. A sesión vermú estará a cargo da orquestra Miramar, que tamén estará na verbena xunto a París de Noia.
O luns 10 de abril, repetiranse os oficios relixiosos durante a mañá e darase por terminada a festa coa sesión vermú, que estará a cargo do grupo Alma Latina.
