Os Vilares e Labrada acollen dúas charlas para informar sobre parques eólicos na zona

As dúas sesións terán lugar este martes, 14 de xaneiro

A Deputación de Lugo, no marco dun programa de asesoramento dirixido a propietarios afectados e á poboación xeral nos concellos rurais da provincia, anunciou a celebración de dúas charlas informativas sobre a implantación de parques eólicos.

Estas actividades teñen como obxectivo proporcionar información detallada e apoio aos veciños ante a implantación de parques eólicos nos seus territorios. O consultor enerxético Xosé Manuel Golpe detallará os pormenores do proxecto, publicado no BOE o día 4 e que se atopa en fase de exposición pública.

As dúas sesións terán lugar este martes, 14 de xaneiro, en Guitiriz. A primeira será ás 19:00 horas na Escola de Labrada e a segunda ás 21:00 horas na Escola da Conchada (Os Vilares).