Os Vilares visitará Caldaloba para unha exposición fotográfica
![Captura](https://terrachaxa.com/wp-content/uploads/2019/03/Captura-2.jpg)
O próximo sábado 23 de marzo ás 18:00 da tarde o local social da Asociación de Veciños de San Martiño de Pino, en Caldaloba, Cospeito, acollerá a inauguración da exposición fotográfica VilarEXPO, de Luís de Fabete sobre a natureza e o patrimonio dos Vilares e a proxección do exitoso documental Entrar aos Vilares, de Cibrán Tenreiro.
Despois da Primeira toma cultural de Caldaloba celebrada no pasado mes de setembro, Lareira de soños e a asociación veciñal de Pino celebran unha segunda colaboración entre entidades do rural chairego. As 33 fotos a cor de 50x70 cms. de VilarEXPO permanecerán un mes no local para que podan ser visionadas polos veciños.
O documental servirá para complementar a inauguración e ao remate da proxección terá lugar un coloquio entre os autores da das fotografías e do filme cos asistentes ao acto. Entrar aos Vilares será proxectado o día 28 no Campus da UDC en Canido-Ferrol nas xornadas do Master avanzado de bibliotecas, arquivos e museos adicado aos Frescos dos Vilares. A comenzos de abril, o noso documental participará tamén na Mostra de cine galego de Begonte, organizada pola Asociación Castiñeiro Milenário.
![FB_IMG_1552814693806](https://terrachaxa.com/wp-content/uploads/thumbs/2019/03/FB_IMG_1552814693806-e1552898103186-200x280.jpg)