Os xuvenís do Vilalbés gañan o trofeo Jorge Tato fronte ao CD As Pontes

O encontro enmárcase dentro do programa das festas locais, na honra a San Ramón e Santa María

O pasado domingo celebrouse no Estadio Roca a oitava edición do Trofeo Jorge Tato, cun resultado de 3-2 a favor do Rácing Vilalbés.

O encontro, que se enmarca dentro do programa das festas locais, na honra a San Ramón e Santa María, contou coa participación do CD As Pontes, ao que desde o club vilalbés lle agradeceron a súa visita e lle desexaron sorte para a tempada que está a piques de comezar.

Este trofeo rende homenaxe ao xogador vilalbés Jorge Tato, falecido nun accidente de tráfico, e mantén vivo o recordo da súa figura a través do deporte.