Outeiro de Rei acolle un obradoiro de plantas medicinais
TerraChaXa | LugoXa
O centro cultural de Outeiro de Rei acolle este xoves e venres un obradoiro de identificación e procesado de plantas medicinais.
![obradoiro plantas medicinais outeiro](https://terrachaxa.com/wp-content/uploads/2023/06/obradoiro-plantas-medicinais-outeiro.jpg)
14 Xuño 2023
O centro cultural de Outeiro de Rei acolle este xoves e venres un obradoiro de identificación e procesado de plantas medicinais, que terá lugar de 16:00 a 20:00 horas.
O obxectivo do curso é desfrutar da ampla diversidade botánica da zona e coñecer as características medicinais das plantas da contorna e aprender a procesalas. A encargada da formación é Lola Tourón e está organizado polo Sindicato Labrego Galego.
Esta actividade inclúese dentro do acordo de custodia do territorio asinado coa Deputación de Lugo e a Reserva da Biosfera de Terras do Miño.