Outeiro de Rei terá un espazo de autorreparación e intercambio de obxectos
![Cartel Xornada Economia Circular e Reciclaxe 1](https://terrachaxa.com/wp-content/uploads/2021/10/Cartel-Xornada-Economia-Circular-e-Reciclaxe-1.jpg)
A Casa da Cultura de Outeiro de Rei acolle o vindeiro xoves 14 ás 11.00 horas a presentación do Espazo de autorreparación e intercambio de obxectos.
Este lugar é un espazo concibido para o intercambio, autorreparación e reutilización de obxectos para alongar a vida útil dos memos. Estará situado na parcela do Punto Limpo no parque empresarial de Outeiro de Rei e funcionará en horario de 9.00 a 13.00 e de 16.00 a 19.30 horas.
Así, ofrece ás persoas a posibilidade de recuperar enseres procedentes do Punto Limpo ou depositados por outras persoas neste espazo e igualmente ofrece a posibilidade de achegar ao mesmo aqueles obxectos polos que xa non teñan interese, contribuíndo á recuperación de obxectos que poden resultar útiles para os demais.
Ademais este lugar estará dotado de ferramentas básicas que permitirán realizar pequenos arranxos.
![Cartel Xornada Economia Circular e Reciclaxe](https://terrachaxa.com/wp-content/uploads/thumbs/2021/10/Cartel-Xornada-Economia-Circular-e-Reciclaxe-200x282.jpg)