Paco Nogueiras estará o 26 en Xermade co seu traballo musical Radio Bulebule
![Captura de pantalla 2019 06 20 a las 18.32.16](https://terrachaxa.com/wp-content/uploads/2019/06/Captura-de-pantalla-2019-06-20-a-las-18.32.16.png)
Paco Nogueiras estará o mércores 26 de xuño ás 18:30 horas, na Biblioteca Pública de Xermade, co seu traballo musical Radio Bulebule.
O medio radiofónico é o inspirador deste espectáculo recollido tamén nun libro-CD composto de doce cancións en que a modo de programación dunha peculiar emisora non faltan a sintonía de entrada, a axenda cultural, o faladoiro, o magazine de variedades, a música, as noticias, o deporte, a previsión metereolóxica…
Paco Nogueiras convidará ás persoas que se acheguen a participar e a vivir en directo dunha radio itinerante, ambulante e cantante, chea de colorido e expresividade, e con composicións e melodías de ritmos modernos, pegadizos e bailábeis.
O espectáculo está recomendado para nenas e nenos entre os 5 e os 11 anos e as súas familias. A entrada será gratuíta.
![Radio_bulebule](https://terrachaxa.com/wp-content/uploads/thumbs/2019/06/Radio_bulebule-e1561048250900-200x283.jpg)