Papá Noel visita Árbol con actividades para toda a familia

O evento contará cun obradoiro de adornos de Nadal

A Asociación Cultural e Deportiva de Árbol organiza unha xornada especial este 21 de decembro ás 17:00 horas, na Escola do Santo, coa chegada de Papá Noel á localidade.

O evento contará cun obradoiro de adornos de Nadal, no que pequenos e maiores poderán dar renda solta á súa creatividade para preparar decoracións festivas. Ademais, haberá un sorteo de agasallos para os asistentes e, para rematar a tarde, os participantes poderán gozar de chocolate quente con biscoito, de balde.

Unha proposta perfecta para entrar no espírito do Nadal en familia. A organización anima a toda a veciñanza a asistir e participar nesta celebración chea de ilusión.