Patricia Torrado Queiruga gaña o LI Certame Literario de Vilalba coa obra Nakba
O auditorio Carmen Estévez de Vilalba acolleu este sábado a entrega do LI Certame Literario da localidade, que nesta ocasión recoñeceu a obra Nakba da autora Patricia Torrado Queiruga.
O acto contou coa presenza do Deputado de Promoción Económica e Social, Pablo Rivera Capón, así como da alcaldesa de Vilalba, Marta Rouco Seoane, da subdelegada do Goberno en Lugo, Isabel Rodríguez López, e do alcalde de Xermade, Roberto García Pernas, entre outras autoridades.
A cerimonia estivo acompañada de diversas actuacións musicais que precederon á lectura do pregón das Festas de San Ramón e Santa María.
Este ano, a responsabilidade de abrir oficialmente as celebracións recaeu nas fotógrafas vilalbesas Inma Purriños e Yolanda Purriños, que deron inicio ao programa festivo da vila.