Pilar Orosa achega a Xermade un obradoiro de verán centrado na respiración no ioga
TerraChaXa
A actividade, de balde e aberta ao público, celebrarase o xoves 21 ás 12.00 horas no local de Amuraxe, onde cada participante deberá levar a súa propia esteira

15 Aug 2025
A instructora Pilar Orosa impartirá en Xermade un obradoiro de verán dedicado á respiración no ioga, considerada a auténtica protagonista desta disciplina, pois é a que marca o compás do movemento e a naturalidade na súa execución.
A cita será o xoves 21 ás 12.00 horas no local de Amuraxe. A participación é de balde, mais cada persoa deberá levar a súa propia esteira para realizar os exercicios.