Pol acollerá unha nova edición do Campus Kingtela
![campus kingtela pol portada](https://terrachaxa.com/wp-content/uploads/2023/03/campus-kingtela-pol-portada.jpg)
Do 1 ao 8 de xullo de 2023, a localidade de Mosteiro, no concello de Pol, acollerá a III Edición de Campus Kingtela.
Unha semana repleta de moito baloncesto, un equipo técnico de primeiro nivel, xogadores profesionais, actividades, noites temáticas, competicións, piscina… e dos irmáns Erik e Sergi Quintela.
Ademais haberá fiseoterapeuta, seguro e enfermería, e por suposto un servizo de bus entre Lugo e Mosteiro e viceversa.
O campus conta con dúas modalidades, interno e externo. A interna ten aloxamento, 5 comidas, veladas nocturnas, adestramentos nocturnos e activación matinal e todo por un prezo de 430 euros; e o réxime externo son 3 comidas, a chegada é ás 10.00 horas e a saída ás 19.45 horas por 270 euros.
O campus terá descontos para os que se inscriban antes do 15 de abril no concello de Pol, de 50 euros para internos e de 30 para externos. A actividade está dirixida a rapaces e rapazas nados entre 2005 e 2016.
Haberá agasallos como a equipación completa (camiseta y pantalón) máis cubre, un diploma de participación, un póster oficial Campus Kingtela e variados sorteos e moitas máis sorpresas.
![campus kingtela pol](https://terrachaxa.com/wp-content/uploads/thumbs/2023/03/campus-kingtela-pol-200x167.jpg)