Pol celebra a II Xuntanza das Letras Galegas o venres
![Captura de pantalla 2019 05 14 a las 15.04.36](https://terrachaxa.com/wp-content/uploads/2019/05/Captura-de-pantalla-2019-05-14-a-las-15.04.36.png)
Por segundo ano consecutivo, a Asociación de Mulleres Rurais e o Concello de Pol organizan a Xuntanza das Letras Galegas, que terá lugar na carballeira de Mosteiro o venres 17 de maio cun programa que arrincará ás 12.30 horas cun pasarrúas a cargo da Asociación de música tradicional Xaora.
Unha hora más tarde terá lugar o pregón, que estará a cargo de María Concepción Fernández Löpez profesora da Facultade de Humanidades de Lugo.
Como o ano pasado, o programa tamén contará cun xantar baixo carpa elaborado pola asociación de mulleres seguido dunha demostración de complementos de moda.
Pola tarde haberá xogos populares, dos que se encargará Vingolea e nos que poderán participar enenos e adultos. Esta sesión estará amenizada pola actuación do Dúo Muralla, que amenizará a tarde.
Complementa a xornada unha expsición de coches antigos e clásicos a cargo da Asociación Lucense de Autonóviles.
O menú do xantar constará de ensaladilla, polo ao ajillo con patacas, postre, café, pan e bebida por un prezo de 12 euros. Os vales para a comida pódense adquirir nos establecementos públicos do Concello antes do 15 de maio.
![6ab1ccd0 9156 4546 8dbb b978376dcd96](https://terrachaxa.com/wp-content/uploads/thumbs/2019/05/6ab1ccd0-9156-4546-8dbb-b978376dcd96-200x282.jpg)