Pontoibo celebra as festas de San Vicente a fin de semana, incluíndo a poxa
A parroquia de Pontoibo, nas Pontes, celebrará os días 24 e 25 de xaneiro as festas na honra a San Vicente cun programa que combina actos relixiosos e propostas festivas, como a tradicional poxa de produtos do campo.
As celebracións darán comezo o sábado 24 de xaneiro cunha misa solemne ás 13.00 horas. A continuación terá lugar a sesión vermú, que estará amenizada polo grupo Eureka. Xa pola noite, a partir das 22.30 horas, celebrarase a verbena coa actuación do propio grupo Eureka e da orquestra Gran Parada.
O domingo 25 de xaneiro continuará a programación cunha misa solemne ás 12.30 horas, seguida da poxa de produtos do campo e doutros artigos. Durante o mediodía haberá callos para as persoas asistentes. A xornada festiva completarase cunha sesión vermú e tarde amenizada pola orquestra Salsa Arena.
Baixo a carpa situada a carón da Capela de San Vicente terá lugar un evento que é unha combinación única de música, tradición e gastronomía. Esta poxa centenaria, cuxas orixes remóntanse a 1882, permitirá aos asistentes optar por produtos do campo como xamóns, ovos, mel e sobremesas artesanais. Ao remate, haberá unha paella para compartir entre todos os asistentes.
