Presentación da revista elaborada polo centenario da Escola Habanera en Guitiriz

A iniciativa conta co apoio da Asociación Cultural Xermolos e do Concello de Guitiriz

O vindeiro venres, 28 de febreiro de 2025, ás 19:00 horas, a Escola Habanera de Guitiriz acollerá a presentación da revista Cen anos da Escola Habaneira, unha publicación que recolle a historia e importancia deste centro educativo ao longo do último século.

No acto intervirán Alfonso Blanco Torrado, Manolo Castro Santamariña, Tareixa Roca Sánchez e Juan Carlos Vivero, quen compartirán reflexións sobre o significado desta escola na comunidade. Ademais, estrearase a peza musical Na Escola Habaneira, interpretada polo Grupo de Gaitas de Xermolos e composta por Pepe Vaamonde.

A iniciativa conta co apoio da Asociación Cultural Xermolos e do Concello de Guitiriz, e busca poñer en valor a memoria histórica e o legado educativo da Escola Habanera.