Presentan en Guitiriz o libro Poemas de Outono no Día da Poesía
![Portada libro Poemasdeoutono1_portada](https://terrachaxa.com/wp-content/uploads/2021/03/Portada-libro-Poemasdeoutono1_portada-1.jpg)
A Biblioteca Municipal Casa Habanera de Guitiriz súmase á celebración do día da poesía deste ano, presentando o libro Poemas de Outono.
Trátese dun poemario colectivo convertido en libro, que recolle en formato físico o resultado da actividade Poemas de Outono, que a Asociación de Maiores de Ponteareas puxo en marcha no pasado outono para dinamizar a creatividade, a escritura en galego e as costumes galegas.
A B.P.M Casa Habanera sumouse a ese proxecto aportando as entregas recibidas na actividade Receitas de outono con poesía, que se levou a cabo no mes de outubro do 2020, para poñer en valor os produtos do outono e a dinamización da lectura e escritura.
Desde a biblioteca municipal chairega quixeron “agradecer á Asociación de Maiores de Ponteareas, por permitirnos participar e por facernos chegar á biblioteca unhas cantas copias do libro”.
Nace, con esta colaboración, unha alianza entre dous pobos que de seguro continuará no tempo con novos proxectos. “Tamén queremos invitar a todos os veciños e veciñas a que se pasen pola biblioteca e desfruten da súa lectura”, destacan desde a Casa Habanera.
![Portada libro Poemasdeoutono1](https://terrachaxa.com/wp-content/uploads/thumbs/2021/03/Portada-libro-Poemasdeoutono1-200x266.jpg)