Presentan en Vilalba cun recital o novo libro de Beatriz Dourado
TerraChaXa
O venres 18 celebrarase no salón de actos da Casa de Cultura de Vilalba a presentación-recital do poemario intraGUERRAS, de Beatriz Dourado.
cartaz intraguerras presentacion recital portada
8 Nov 2022
O vindeiro venres, 18 de novembro, ás 19:30 horas, celebrarase no salón de actos da Casa de Cultura de Vilalba a presentación-recital do poemario intraGUERRAS, de Beatriz Dourado. O acto organizado por Culturalia GZ, coa colaboración do Concello de Vilalba, contará coa participación da citada autora, acompañada de Martiño Maseda, administrador de Culturalia GZ.
intraGUERRAS, publicada pola Editora Urutau neste 2022 e con prólogo da artista multidisciplinar Luz Darriba, foi a obra coa que a escritora Beatriz Dourado resultou gañadora no VII Premio María Mariño de Poesía.
De xeito simbólico, no transcurso do acto haberá o reparto de mazás combativas, nun proceso de interacción co público asistente.
