Presentan na Deputación o documental sobre os segadores da zona de Órrea

A Deputación acolle este venres a estrea do documental Segadores da Órrea en Terras de Castela: unha historia de heroes.

O salón de actos da Deputación provincial de Lugo acolle este venres, 5 de maio, a presentación do documental Segadores da Órrea en Terras de Castela: unha historia de heroes.

Este documental, coa dirección de Laura Alonso e Vanesa G. Lourido, recolle as testemuñas dun gran número de veciños da localidade, que foron entrevistados os últimos meses.

Un total de 30 veciños, un deles unha muller, aportan as súas lembranzas do que califican como "un feito fundamental da historia da nosa parroquia".

A sesión terá lugar ás 2o.00 horas e é aberta ao público

O documental foi encargado pola Asociación de Veciños de Santa Comba da Órrea.