Presentan nos Vilares un estudo de Raúl Río sobre o uso do galego nas lápidas

A Casa Habaneira dos Vilares, acollerá o 16 de abril, ás 18.00 a presentación do estudo de Raúl Río sobre as lápidas en galego.

A Casa Habaneira de Conchada, nos Vilares, acollerá este domingo, 16 de abril, ás 18.00 a presentación do estudo de Raúl Río sobre as lápidas en galego nesta parroquia.

Na presentación do evento estará o autor, acompañado de Alfonso Blanco, presidente de Xermolos; Bernardo Penabade, do proxecto NEO; Alejandro Piñón Espasandín, párroco dos Vilares, e familiares das persoas que teñen esas lápidas en galego.

Como colofón da sesión, farase unha visita guiada ao cemiterio.

Os Vilares é unha parroquia que ten numerosas lápidas en galego, polo que o proxecto NEO encargou ao noso colaborador Raúl Río, este estudo.