Cultura

O evento é aberto ao público e ofrecerá a oportunidade de coñecer máis de preto a historia, a tradición e o valor cultural do monumento

O Concello de Abadín acollerá o vindeiro 28 de febreiro a presentación do libro O San Cosme da Montaña (Abadín, Lugo), unha obra que recolle a historia e o patrimonio deste emblemático enclave do municipio.

O acto terá lugar no Salón de Actos da Casa do Concello ás 19:00 horas e contará coa intervención de destacadas personalidades, entre elas o alcalde de Abadín, José María López Rancaño, o bispo da Diocese de Mondoñedo-Ferrol, Fernando García Cadiñanos, e os co-autores da obra, Andrés García Doural e Abel Vigo García.

O evento é aberto ao público e ofrecerá a oportunidade de coñecer máis de preto a historia, a tradición e o valor cultural do San Cosme da Montaña, unha referencia destacada do patrimonio de Abadín.