Produciranse cortes de tráfico na A-8 entre O Corgo e Guitiriz para a realización das obras
O Ministerio de Transportes e Mobilidade Sustentable prosigue coa execución das obras de rehabilitación estrutural do firme da calzada esquerda da autovía A-6, entre os quilómetros 480 e 540,44, no treito comprendido entre O Corgo e Guitiriz, na provincia de Lugo. O obxectivo desta intervención é corrixir os deterioros existentes no pavimento, mellorando a seguridade viaria e o confort na circulación. O investimento total ascende a 26,42 millóns de euros, IVE incluído.
Co fin de garantir a seguridade dos traballadores e dos usuarios, desde esta mañá e ata o 4 de decembro producirase o corte total do tráfico na calzada esquerda da autovía en sentido Madrid, dentro do termo municipal de Lugo, en varios tramos e períodos concretos.
Entre o luns 27 de outubro e as 24:00 horas do martes 4 de novembro, o corte afectará o treito comprendido entre os quilómetros 491,3 e 494,4. Durante esta fase, restrinxiranse os movementos de saída cara a Lugo e A Fonsagrada, así como as incorporacións á A-6 en dirección Madrid desde o enlace coa LU-530 situado no quilómetro 494.
Posteriormente, desde as 9:00 horas do luns 3 de novembro ata as 24:00 horas do xoves 4 de decembro, as obras trasladaranse ao treito comprendido entre os quilómetros 487,1 e 491,3. Nesta fase, verase afectado o enlace de Nadela, no quilómetro 488, onde tamén se limitarán os movementos de saída e incorporación desde a A-54 e a N-6 cara á A-6 en dirección Madrid.
Para garantir a fluidez do tráfico durante o período das restricións, habilitaranse pasos de mediana que permitirán desviar a circulación pola calzada dereita, correspondente ao sentido A Coruña. Esta operará en modo bidireccional, con un carril habilitado por cada sentido.
As primeiras actuacións deste proxecto realizáronse o pasado mes de setembro entre os municipios de O Corgo e Lugo. A obra enmárcase no programa de conservación e mantemento da Rede de Estradas do Estado, no que o Ministerio investiu 175,31 millóns de euros na provincia de Lugo desde xuño de 2018, co obxectivo de mellorar a calidade e o servizo da infraestrutura viaria estatal