Puntadas con Agarimo convértese en asociación

O colectivo, formado por cinco amigas, leva máis dun ano funcionando con xuntanzas unha vez ao mes

Puntadas Con Agarimo, organizador de las quedadas laneiras, vén de converterse oficialmente en asociación un ano despois da súa fundación.

As cinco amigas das Pontes, Verónica, Tania, Lucía, Urbana e Elvira non pretendía outra cousa que xuntar a todos os amantes do tecido baixo un mesmo teito para compartir trucos, ideas e tamén algo de risas e contos, unha meta que se logrou xa fai uns meses, pero que leva crecendo desde o día 1.

Ademais de tecer, as participantes intercambian unha vez ao mes contos e segredos do tecido xunto a unha merenda.

A idea xurdiu nunha viaxe que fixeron as cinco a Madrid, a unha feira de las á que levaron o mesmo xersei. Esta peculiaridade chamou a atención da xente que lles preguntou se tiñan un grupo nas Pontes. Ese pequeno xerme foi suficiente para que á volta, no mesmo autobús, comezase o proceso de creación. Na seguinte semana xa estaban coa primeira xuntanza.

A resposta a esta iniciativa foi impresionante xa que arredor de 26/27 persoas de media asisten a estas xuntanzas de domingo pola tarde.

Ata o de agora contan só con mulleres, xa que os homes non se atreveron a achegarse ao grupo, pero comezaron a incorporarse tamén nenas, polo que reuniron a xeracións totalmente dispares arredor das agullas.

Nesta nova asociación, están as cinco amigas pero non todas forman parte da directiva, na que Verónica exerce como presidenta. Elvira é a tesoreira e Tania, secretaria, pero as outras dúas non puideron unirse por temas persoais. Como vogais están tres persoas que se uniron posteriormente Begoña, Beatriz e María.

O colectivo mantén o crecemento e está xa, despois de poucos días, rozando as 30 socias. "A acollida está sendo moi boa", explicou Verónica, quen tamén avanzou que xa están preparando novas actividades. De momento, está previsto facer unha viaxe a Monforte en maio porque hai unha feira de las.

Seguirán coas quedadas e están pensando xa en facer cursos. "Estamos contentas á vez que expectantes", subliñou.

LEE A REPORTAXE QUE FIXEMOS SOBRE PUNTADAS CON AGARIMO