Queixas da veciñanza polo estado dos depósitos de auga e a depuradora de Rábade

Consideran imprescindible que se faga un valado para evitar "posibles manipulacións ou sabotaxes" e que se adecúe a zona

Estado da depuradora de Rábade

A veciñanza de Rábade fixo público o seu malestar polo estado no que se atopa a parcela municipal onde están situados os depósitos de auga e a depuradora do servizo de abastecemento de auga.

Ademais do "estado de desleixo e abandono" no que se atopa o lugar, coa maleza sen cortar, lixo e falta de coidado, os veciños afirman que non hai valado, polo que calquera veciño pode acceder ao lugar ao estar totalmente aberta.

Consideran imprescindible que se faga un valado para evitar "posibles manipulacións ou sabotaxes" e que se adecúe a zona.