Rábade acolle o domingo un torneo de ximnasia rítmica con escolas da Terra Chá
![ximnasia ritmica](https://terrachaxa.com/wp-content/uploads/2018/04/ximnasia-ritmica.jpg)
O domingo 29 de abril terá lugar a I fase do Torneo Escolas Terra Chá de Ximnasia Rítimica, que terá lugar no Pavillón Municipal Eduardo Fernández Villamarín a partir das 17:00h.
Nesta edición está prevista a participación das pequenas das escolas de Vilalba, Guitiriz, Cospeito, Outeiro de Rei, Begonte e Rábade, que presentarán o froito do traballo realizado durante todo o ano.
Nesta exhibición, as ximnastas acompañaranse de música para manter un ritmo nos seus movementos, realizando unha montaxe axudadas de cintas, pelotas ou mazas.
Trátase de espertar e incentivar o interese e a motivación pola súa participación neste deporte, transmitirlle os elementos básicos da ximnasia rítmica e introducir e afianzar os valores de disciplina e orde persoal e colectivo, indispensables para a práctica deste deporte.
Tódalas participantes recibirán un agasallo de recordo pola súa participación.