Rábade acollerá a presentación da nova guía turística do Xeodestino Comarca de Lugo e Terras da Ulloa
Este mércores, 20 de novembro, ás 12:00 horas, terá lugar en Rábade a presentación oficial da guía turística do Xeodestino Comarca de Lugo e Terras da Ulloa no hotel Coto Real da avenida da Coruña. Este evento está dirixido tanto ao sector turístico como á poboación en xeral, co obxectivo de dar a coñecer os principais recursos e atractivos turísticos da zona.
Durante o acto, explicarase o contido desta nova guía, elaborada especialmente para destacar o potencial turístico do territorio. Os interesados en asistir poden confirmar a súa participación chamando ao 982 238 000 ou enviando un correo a info@comarcadelugo.gal.
Esta iniciativa busca impulsar o turismo local e promover as riquezas culturais e naturais da Comarca de Lugo e as Terras da Ulloa.