Rábade celebra este martes 99 anos como concello independente
O Concello de Rábade cumpre o martes, 28 de maio, 99 anos como concello independente, xa que foi constituído como San Vicente de Rábade o 28 de maio de 1925. Para celebralo organizaron un amplo programa de actos.
Este dará comezo coa lectura da acta e historia da creación do concello para seguir coa presentación das actividades, que consistirán nun concurso dun cartel do centenario e o premio especial do concurso de Pintura Rápida.
Seguirá a isto a proxección documental sobre Rábade e a inauguración dunha exposición permanente, ademais da actuación do Coro Músico Crisanto.
Estes actos serán ás 20:00 horas no Centro Sociocultural.
O Concello de Rábade convida a asistir a este acto no que todos e todas as persoas que acudan recibirán un agasallo.