Rábade celebra o Día da Muller cunha proxección sobre o patriarcado
O Concello de Rábade, organiza dentro do programa Rábade en Igualdade a proxección do documental Patriarcado, o organismo nocivo como actividade principal do Día Internacional da muller este 8 de marzo de 2023.
A actividade terá lugar o 8 de marzo no salón de actos do Centro Sociocultural do Concello de Rábade as 10.30 da mañá. O visionado vai dirixido á poboación en xeral, así como ao alumnado de 4º de ESO e 1º de Bacharelato do IES Río Miño de Rábade. Entrada libre ata completar aforo.
O documental que tivo 5 candidaturas aos premios Goya 2023 aborda o patriarcado dende unha perspectiva ampla, dende a violencia machista, a pornografía, os roles de xénero ou a educación sexual; dende os orixes ata o presente, instalado como organismo nocivo na sociedade, a súa supervivencia apoiase en facerse invisible ao ser aceptado como normal, anidando nas nosas ideas pero sobre todo nas nosas crenzas. Este traballo pretende facer reflexionar a través dunha mirada crítica.
No documental 4 mulleres comparten a súa historia dende a forza, sin victimización, ás que se unen especialistas e xóvenes para dar a súa visión e construir unha sólida base para reflexión conxunta.
Esta actividade está financiada a través do Pacto de Estado Contra a Violencia de Xénero do Ministerio de Igualdade.
