A Rabaca poñerá punto e final ás festas de Rábade
Rábade porá fin ás súas festas patronais co festival ARabaca que se dividirá en dúas xornadas.
Os días 16 e 17 estarán reservados para a actuación o martes de El Pacto Rock Band, tributo a Bruce Springteen e Clásicos do Rock coa colaboración especial de Javier Alzola, saxofonista de Fito y Fitipaldis.
O mércores 17 actuarán ás 13.30 horas na prazuela Andrea Vilar ao piano e Diego Segada á viola. Ás 20.00 horas no centro sociocultural haberá unha representación de La parada de los sueños. Dream Stop, a cargo do grupo de teatro Penas de Rodas e ás 21.30 horas, actuarán na prazuela Hänselus, Nya de la Rubia e De Turrens Band.
Con estas actuacións ponse fin a unhas festas que recuperaron o esplendor de anos anteriores á pandemia e que deron comezo o pasado 12 de agosto co Rabafold, ao que seguiron outras citas obrigadas como actuacións musical das mellores orquestras, a esbatuxada e o subidón dos avós ademais da descarga pirotécnica.
