Balance da situación da covid-19 nas distintas comarcas da provincia de Lugo. Casos activos, contaxios e defuncións concello a concello.
O comité clínico de xestión da covid acordou este martes o relaxamento de medidas para os concellos de Meira e A Pastoriza. Deste xeito, o primeiro quedaría fóra do sistema de alertas e A Pastoriza baixaría ao nivel de alerta media, o mesmo no que está Chantada.
Deste modo, a provincia de Lugo quedaría só con dous concellos en alerta en la categoría máis baixa. Como en anteriores ocasións, as novas medidas no serán inmediatas, entrarán en vigor na madrugada do venres, 14 de maio.
O sistema de alerta, que está establecido en 4 niveis, quedará a partir do venres deste modo:
- Máxima. Para incidencia maior de 500 casos por 100.000 habitantes.
- Alta. Para incidencia de 250 a 500.
- Media. Para incidencia de 150 a 250. A Pastoriza e Chantada.
- Baixa. Por debaixo de 150. O resto da provincia.
Esta nova prodúcese cando se producen outras dúas de gran relevancia para a provincia. Ademais dun novo descenso de casos activos, as UCI quedan libres de covid, tras a alta do último paciente que quedaba en Lugo.
OS DATOS DE HOXE
Así, a provincia de Lugo conta este mércores con 216 casos activos, 10 menos que onte, cando na xornada anterior o aumento foi de 4.
Diagnosticaron nas últimas 24 horas 9 casos novos (onte foron 12). As altas chegaron ás 11.153, 19 en 24 horas, o día anterior foron 9.
Dende que comezou a pandemia, no mes de marzo do pasado ano, hai 12.588 casos rexistrados e 214 persoas falecidas.
Respecto á presión hospitalaria, nova xornada de alivio, en especial ao quedar vacía a UCI, na que había unha persoa ingresada en Lugo. En planta descende tamén o número de ingresos en 1 con 6 pacientes en total, 4 están no Hula (1 máis) e 2 Monforte (2 menos).
POR COMARCAS
Mellora a situación en todas as comarcas e destaca o caso da Mariña só con casos en tres concellos e en todos eles por debaixo de dez contaxios.
A Mariña
- Incidencia leve en Alfoz, Burela e Foz.
- Sen casos novos máis de 15 días están Ourol, O Valadouro, A Pontenova, Riotorto, O Vicedo, Xove, Barreiros e Mondoñedo. Únense Cervo e Trabada.
- Sen casos novos na última semana están Lourenzá e Ribadeo. Únese Viveiro.
Terra Chá
- A Pastoriza, que baixa a alerta media o vernes, continúa reducindo a súa incidencia.
- Vilalba volve baixar dos 10 casos.
- Guitiriz, Xermade e Cospeito teñen tamén casos, por debaixo de dez, pero con incidencia leve. Únese de novo As Pontes.
- Meira, que sairá de alerta, leva xa unha semana sen contaxios.
- Outeiro de Rei, Castro de Rei e Pol están sen casos en 7 días. Únese Friol.
- Sen positivos dende hai máis de quince días están: Abadín, Muras, Begonte, Rábade.
Centro da provincia
- Os casos en Lugo seguen baixando. Son 78 (2 menos).
- Palas e O Corgo teñen casos pero con baixa incidencia.
- Levan unha semana sen casos Becerreá e Cervantes. Únese A Fonsagrada.
- Limpos de covid nos últimos quince días están: Negueira de Muñiz, Navia, Portomarín, Baleira, Guntín, Antas de Ulla, Monterroso, Castroverde, Pedrafita, As Nogais, Baralla e Ribeira de Piquín.
Comarca de Sarria
- Láncara e O Páramo teñen casos pero con baixa incidencia.
- Sarria leva xa unha semana sen novos contaxios.
- Triacastela, O Incio, Samos e Paradela seguen limpos de covid dende fai dúas semanas polo menos.
Ribeira Sacra
- Carballedo, Folgoso e Taboada teñen casos pero con incidencia leve. Únese Monforte.
- Pantón ten elevada a incidencia pero non chega aos dez casos.
- Chantada continúa con 29 casos, e seguirá en alerta media ata o luns.
- Sen casos en máis de quince días: Ribas de Sil, Taboada, Bóveda, O Saviñao, Sober, A Pobra de Brollón e Quiroga.
