Recollen doazóns de sangue en Vilalba o mércores e o xoves

O vehículo prestará servizo na rúa Plácido Peña

Autobús de doazón de sangue

A unidade móbil de doazón de sangue estará este mércores 23 e o xoves 24 de xullo no concello de Vilalba para recoller as doazóns dos veciños que así o desexen maiores de 18 anos e con máis de 50 quilos de peso.

O vehículo prestará servizo entre as 10.00 e as 14.00 e entre as 16.00 e as 21.00 horas na rúa Plácido Peña, diante de Don Dino os dous días.

O servizo lembra que para doar sangue hai que almorzar e despois de xantar esperar dúas horas. Hai que presentar DNI ou documento similar ou no seu caso tarxeta de doante.