Recoñecemento para o IES Pedregal de Irimia de Meira do programa Meteoescolas
O IES Pedregal de Meira foi recoñecido este curso como un dos centros destacados do Programa Meteoescolas, iniciativa incluída no Plan Proxecta que ten como obxectivo achegar a meteoroloxía ao alumnado. O proxecto promove a observación do tempo, o uso de instrumentos e a comprensión dos fenómenos atmosféricos mediante actividades prácticas e participativas, ao tempo que busca concienciar sobre o cambio climático.
O centro acadou a máxima puntuación dentro do programa grazas ao intenso traballo desenvolvido ao longo do curso. Como recoñecemento ao seu compromiso e á calidade das súas actividades, recibiu un barómetro, un símbolo da excelencia na observación e estudo do clima.
Desde o instituto destacaron o labor da coordinadora, Verónica, e do profesorado colaborador, cuxo esforzo fixo posible este logro colectivo. O recoñecemento supón un novo impulso para continuar afondando na aprendizaxe da meteoroloxía e na importancia de coñecer e interpretar o tempo que nos rodea.