Regresa este sábado a Gontán a Feira de Santos

Este ano haberá de novo concurso de gando no que se premiarán as mellores reses equinas e bovinas

Un ano máis, o recinto feiral de Gontán, en Abadín, acollerá este sábado, 2 de novembro, a tradicional Feira de Santos.

Este ano haberá de novo concurso de gando no que se premiarán as mellores reses equinas e bovinas onde se repartirán varios premios. A entrega está prevista para as 14.00 horas.

Distinguirase o mellor exemplar bovino, equino, mellor cría bovina, mellor cría equina, maior número de cabezas de gando bovino e equino ou mellor exemplar equino de silla.

Non faltarán os postos de comida de polbo e churrasco e os expositores de diversos feirantes e artesanía. Rematará a festa cunha verbena pola noite.