Regresa o día 6 a Feira do Cabalo a Castro Ribeiras de Lea
A tradicional Feira do Cabalo de Castro de Ribeiras de Lea, en Castro de Rei, volve outro ano máis co obxectivo de xuntar os 400 animais doutras edicións.
A feira, que se celebrará no mercado gandeiro e a súa contorna será o sábado 6 de setembro e a apertura do recinto para a entrada dos animais participantes está programada para ás 8.00 horas.
Haberá probas equinas de andadura estilo libre e a xornada incluirá postos de venda con artigos de equitación, artesanía e os típicos de feira. Tamén haberá postos de comida con polbo e churrasco, e actividades para nenos.
As carreiras de andadura comezarán ás 16.00 horas con catro categorías que terán catro gañadores en cada unha delas. Os premios irán desde so 120 euros, 100 e 70 euros ata un lote de penso. O horario para anotarse ás carreiras é de 11.00 a 13.00 no mesmo recinto feiral.