Regresa o Festival de Corais con motivo da Feira do Porco da Ceba
O Concello de Cospeito celebrará un ano máis o tradicional Festival de Corais coincidindo coa Feira do Porco da Ceba, evento que xa forma parte das citas culturais habituais do municipio. A actividade terá lugar na Casa da Cultura, onde diferentes formacións corais ofrecerán un concerto aberto ao público.
Nesta edición participarán a Coral Polifónica de Palas de Rei, a Coral AVCR San Mamede de Zamáns e a Coral Polifónica Municipal Virxe do Monte de Cospeito, agrupación anfitrioa e colaboradora do evento.
O festival, organizado polo Concello de Cospeito, celebrarase o sábado 29 de novembro ás 20:30 horas, e a entrada será de balde, permitindo que veciñanza e visitantes poidan gozar dunha tarde de música coral nun ambiente festivo ligado ás tradicións locais.