Reigosa e Crecente, na Pastoriza, celebran as súas patronais
![verbena festa orquesta concerto](https://terrachaxa.com/wp-content/uploads/2021/06/verbena-festa-orquesta-concerto.jpg)
As localidades de Crecente e Reigosa, no Concello da Pastoriza celebran esta fin de semana as súas festas.
A primeira festexa a San Salvador e comezará as celebracións o sábado, ás 14.00 horas coa misa, á que seguirá a sesión vermú tradicional co trío D’Nika, que tamén actuará pola noite xunto ao grupo Unión y Fuerza.
O domingo as celebracións rematarán coa sesión vermú co dúo Venus.A organización lembra que o campo da festa estará cuberto con carpa.
En Reigosa as festas comezarán o domingo 23 na honra a Santiago Apóstolo. Unha cea a base de polbo e churrasco abrirá a sesión, que estará amenizada por Origen e Galilea en sesión verbena.
O 24 haberá misa pola mañá con procesión e será o grupo Límite o encargado do apartado musical da xornada, tanto ao mediodía como á noite. Será na verbena cando tamén estará o grupo Beatriz.
O martes 25 o grupo Alba pechará as celebracións na sesión vermú, trala misa e procesión.