Remata a campaña de trampeo da velutina en Vilalba
TerraChaXa
O venres deberán devolverse as trampas para analizar os resultados
![trampa-velutinas-Quiroga](https://terrachaxa.com/wp-content/uploads/2024/05/trampa-velutinas-Quiroga.jpg)
Trampa
27 Xuño 2024
Este venres, 28 de xuño, o Concello de Vilalba e a asociación de apicultores Serra da Carba recollerán as trampas para velutinas repartidas no pasado mes de abril.
A partir das 17:30 horas as persoas que tiveran recollido trampas para velutinas durante o reparto feito no mes de abril deberán achegarse ata a casa do concello para devolver as trampas e entregar os datos do trampeo.
Ata as 20:00 estará habilitado o espazo oportuno para que todos e todas poidan devolver as trampas, así como entregar as fichas nas que rexistraran o lugar de colocación da trampa e o número de velutinas atrapadas.